غسيل الملابس

[عذووب]

السلام عليكم ورحمة الله وبركاته
حلمت يا شيخ أني انشر ملابسي وملابس اعيالي
وكنت حاطه المنشر حق الملابس بالصاله ونفس الصاله بالحقيقه وبعدها شفت مرت حماي تغسل بس كان اللبس وايد وشفتها اغسلت نصف اللبس وبقى وايد على الارض حاطتهم وانا خلصت غسيل وبعدها اختفه المنشر من الصاله وانقهرت وايد ودورته ومالقيته بعدين شفت ابوى بوجهى قلتله يبه شفت ملابسي تعبت عليهم قال ايه انا شلتهم علشان العيال ما يوسخونهم قلت اها بس الملابس ما انشفت قال لا في شي نشف وشي لا بس خفت لا يتوسخون مره ثانيه قالها لي وبعدها شفت امي تقول شفتي اثواب(الابيض) ابوج قلتلها مع غسيلي ثوبين غسلتهم بس وحده محترقه من الجيب بحرق سجاره بسيط والثانيه جيبها فيه بقعتين ما يروحون والجيب خطيوطه طالعه شوى(الجيب الامامي لثوبين) قلتلها كيف تلبسينهم ابوى قالت لا برميهن وبخليه يروح يفصل بس ياشيخ انا ما شفت بالغسيل ملابس لزوجي بس لي ولعيالي وابوى الثوبين ورديت على ابوى وقلتله يبه انت الحين شلت الملابس المنشر وين وديته ومنو ساعدك قال اخوج ساعدني والمنشر خلف الستاره حطيته اخذته ورجعت الملابس في مكانهم وبعدها مرت حماي ما خلصت وشفت خالتي (اخت امى )كاشخه حيل وصايره حلو ولابسه فستان
أسود وتطالع الغساله ونادتني باسمي وقالت هذي ملابسج قلت هذى القطعه الي داخل الغساله لي وكانت الغساله تشتغل وجت مرت حماى وحطت قطعتين من ملابسها على لبسي قلتلها ليش قالت نفس اللون ولا راح تتغير الالوان ولا يصير شي سكت ورحت واخذت اللبس حقي الي بالغساله ورديت اطالع مرت حماى ولا هى بعدها ما خلصت من الغسيل
جزاك الله ألف خير
ويعطيك العافيه

[الشيخ رويبح الحازمي]

وعليكم السلام ورحمة الله وبركاته
تدل رؤياك والله اعلم على انك
الشفافية عندك عالية جدا فتقولين كل شيء لديك و اسرار بيتك عن بعض الناس وهذا خطا لأنه للإنسان بعض الاعداء والمتربصين الذين يستغلون نقاط ضعفه ونقاط ضعف ابناؤه وعيوبهم بطريقة سيئة
الطيب في الموضوع انك لاتذكرين لهم لزوجك عيوبا وهذا طيب انه مستورا
بينهم انصحك بحفظ اسرار بيتك ومشاكل ابناؤك صغيرها وكبيرها عن جميع الناس ولو سألك احدا عن احوالك قولي الحمد لله بخير
ليس جميع الناس أصدقاء في الحقيقة و إنما في الظاهر فقط
وفقك الله وحفظك

[عذووب]

والله جزاك الله الف خير
وفي الواقع انا اتكلم عن ابنائى بس اطفالى اصغار في السن بس ان شاء الله راح انفذ النصيحه ولا راح اتكلم ابد الله يوفقك ياشيخ وجزاك الله الف خير
وياشيخ ما قلتلي وش معناة الثوبين حقت ابوى
تعبتك معاى وايد مشكور

[الشيخ رويبح الحازمي]

المشاركة الأصلية كتبت بواسطة عذووب [عزيزي الزائر يتوجب عليك التسجيل لمشاهدة الرابط للتسجيل اضغط هنا]

والله جزاك الله الف خير
وفي الواقع انا اتكلم عن ابنائى بس اطفالى اصغار في السن بس ان شاء الله راح انفذ النصيحه ولا راح اتكلم ابد الله يوفقك ياشيخ وجزاك الله الف خير
وياشيخ ما قلتلي وش معناة الثوبين حقت ابوى
تعبتك معاى وايد مشكور

حتى ولو كان ابناؤك صغارا لا تذكرينهم الا بخير وقولي الله يعين عليهم خيرا لك
الثوبين لدى والدك اخطاء في انفاق امواله فهو لديه امر ينفق فيه ماله بطريقة التبذير
والثاني انه ينفق على اشياء غير ضرورية جدا ويترك بعض الضروريات وسوف يغير هذه العادات قريبا ان شاء الله
وفقكم الله وحفظكم

[عذووب]

والله يا شيخ تعبتك وايد جزاك الف خير
بس مرت حماى هذى ابد ما تكلمني ابد بس السلام بيني وبينها فقط معنا في بيت واحد وانا اول مره احلم فيها بس التفسير وشو من ناحيتها هى
مشكور والله مستحيه منك ياشيخ تعبتك

[الشيخ رويبح الحازمي]

مرة حماك دامك قلتي هي من تتربص لأخبارك وتنشرها لذالك لاتخرجين اي خبر ولو صغير من بيتك
دائما الحمد لله بخير والله يعيني على تربيتهم متعبيني0

[عذووب]

الله يسعدك يا شيخ وجزاك الله الف خير